TENA FITIAVANA - Miarantsoa Anicet

Azo vakiana?

Kimpantsona maneno…
Siny tsy mba feno…
Tsy manana fitiavana…
Tsy fantatra izay havana…

Miteny toy ny Anjely…
Mitory sy manely
Ny tenim-pahasoavana…
Saingy…Tsy manana fitiavana.

Mahalala zava-miafina,
Mamantatra ny takona,
Anefa dia holavina
Raha tsy manana fitiavana.

Mamindra fo tokoa,
Manao izay asa soa ,
Tena be finiavana …
Saingy tsy manana fitiavana.

Izany rehetra izany ,
Sy ny lanitra sy tany,
Sy ny orana sy avana
Ho lo …fa ny Fitiavana

Haharitra ho doria.
Fitia tena Fitia…
Satria ny tena goavana:
Fitiavana! Fitiavana.
              
                    MIARANTSOA ANICET

Hametraka hevitra

Midira aloha

Mombamomba

Mpanoratra : Miarantsoa Anicet

Nampiditra : Miarantsoa
Daty : 13/06/2011
Mpamangy : 4840
Mankafy : 0

Tononkalo hafa

J'AIME LES MOCHES
MANOLOANA NY SARINY
I DADA
TAFAN' I DADA SY I NOFY
MANIDINA
NY ZAZA MADITRA MAMPIJALY NY RENINY
FATY
RAHA TIA AHY IANAO
AIZA NIZANAKO
MALAHELO NY ZANAKO AHO IZANY