ireny rehetra ireny (njaf)
Mbola tsisy niantsa
(Nalaina tao amin'ny vetso.serasera.org)
ireo tsiky kely monja eny amin'ny molotrao
ilay jery mitsilopy
eny amin'ny masonao
dia ampy halalako
ny ao anatinao
reo sangisangy mamy
matetika fanao
ireo tsongotsongo kely
ataoko an-tsandrinao
dia ampy ahatsapana
ireo hetahetanao
ny doboky ny fo
miritsoka ao anaty
ny fihetsika ao ivoho
mitory tsy mivaky
dia afaka ilazana
ny zavatra tsy tanty
fa izaho manahy ihany
fa sao tsy ampy ireny
k'aleoko tsy niteny
--------
Rohy:
Sokajy :
Fitiavana - Aingam-panahy