RASOUELLAH - NY Andri-Fara

RASOUELLAH

Indray takariva izay
Diavolam-penomanana ny andro,
Dia nitsangantsangana aho....
Hanala fahanginana nilaozan'olon-tiana.

Nibanjina avy lavitra
nanatona ity toeram-pivarotana..
Mamofompofona fitiavana;
Fitiavana tsy ho lavitry ny ankaso.

Nanatona hanatona tsy sahy
Toa sanganehana eo am-pahitana;
Tovovavy kely miramiran'endrika,
Malagasy toa Vahiny.

RASOUELLAH! miendrika karana
Saingy Malagasy ray sy reny....
Ka ny foko hamboraka fitiavana;
Indrisy fa tsy sahy niteny.

Nobanjinin'ny maharitra ny foko nahonena
Ka tsy sahiko nambara izay rehetra noekeny.
Ny tsiky izay niantefa tato am-poko;
No toa ranovelona namafa ny toloko

RASOUELLAH.....Iza ianao?
Sa ilay hitako isan'alina amin'ny nofiko..

Betongolo 13/10/2009    NY ANDRI-FARA