NY ANJARA (Ny Andrianary )

Tsy ireo izay notiavina tao am-po tokoa
Tsy ireo manaiky hanolotra ny vatany ho anao
Tsy ireo mahafoy fotoana hiarahana aminao
Tsy ireo izay tia mahatolotra ny sarobidy ho anao
Tsy ireo izay azo nofy sy hanembonana any ho any
Tsy ireo izay malahelo raha toa ka lasa ianao
Tsy ireo izay voafidy…
Tsy ireny no anjara fa aoka ho tsapanao
Io olombelona io mety miova tsotra izao
Ka aza mahatoky fa hajao ny vatanao
Izay tempoly tena tsara
Ny anjara dia izay hiara-kohamasinina aminao
Hatreny an’Alitara.

Ny Andrianary
--------