Iny namako iny (ny andy)

INY NAMAKO INY

Tompo ô!
Italahoako mafy ny tananao mahery
Hitantana ito namako mamy loatra ho ahy
Ianao anie hijery
Tsy hamela azy irery
Fa homba lalandava,hanilo ny fanahy
Itovizany aminao
...Iny namako iny
Aza omena tsiny
Aza avela ho resy
Na koa ho lavon'izao tontolo izao
F'ianao ka itokiako
Ny finoako manantena
Hatolotrao azy...izay no mba iriko
Ny tena fahendrena

Iny namako iny
Tompo ô! Omeo izay mba tiany
Ataovy sambatr' izy,omeo fandeferana
F'izay no mba iriko,
ny fiainany hamelana.

Tompo ô! iny namako iny
Tantanonao ny diany.

ny andy
FARIBOLANA SANDRATRA Antananarivo
--------