Izy ilay fitiavako (Ny Hasina Heritiana)
Mbola tsisy niantsa
(Nalaina tao amin'ny vetso.serasera.org)
Inona no mahasarika ahy aminy?tsy fantatro....
nefa aho tsy mahafoy azy;
tsy afaka handao....
Nanandrana aho ny nitia;
nitia olon-kafa;
saingy tsy foiko izy;
ny anarany tsy voafafa.
Tsy misy izay tsy nataoko;
hamonoako ilay fitia;
fa na dia nanaiky aza ny saiko;
ny foko kosa tsy nety fa mbola tia.
Ny saiko milaza fa
vitako ny hanadino;
ny foko tsy mitsahatra miteny fa
na hino aho na tsy hino;
IZY ILAY FITIAVAKO.
04/08/04
--------
Rohy:
Sokajy :
FITIAVANA
Mpakafy:
atmos
Hevitra mandeha
atmos
(
28/10/2004 09:04)
Rehefa tia marina dia hadino daholo na ny vato misakana rehetra; rehefa tia, na dia fefy ohatrin'inona aza tsy mahasakana azy.
yonikafopl
(
29/10/2004 17:09)
Izay ilay fitiavana ry atmos, ary toa manahirana indraindray.