Neny, fitiavako voalohany (Panarato)

Mbola tsisy niantsa

Hangataka antsa
(Nalaina tao amin'ny vetso.serasera.org)
Neny, neny aiza ianao
Ny zanakao mitalaho
Mahatsiaro irery eto an-tany
Very saina, mitomany

Rotsirotsy, fitoniana
Tao an-kibon-dreny tiana
Tsy hadino mitamberina
Mampatsiahy te-hiverina

Ny fiainanao manontolo
Dia natokanao hikolo
Hahalehibe ny zanakao
Ho tonga lafatra, olom-bao

Ny tenanao nataonao sorona
Hahatonga taiza ilay malala
Hainao koa ny namorona
Fitaizana mendrika sy tsara

Hainao koa ny namindra
Fahendrena sy fisainana
Hain-teny soa mirindra
Haigon-kevitra amin'ny fiainana

Tena tsy afaka ao an-tsaiko
Ny salovan-tavanao
Ny handino anao tsy haiko
Ny foko raikitra aminao

Panarato 17/08/2013
--------
Rohy:
1157 0
Hametraka hevitra
Midira aloha
Momba ny tononkalo
Mpanoratra : Panarato
Nampiditra : panarato
Daty : 17/08/2013 18:08
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0148