Tiako izy - Randriatsitohaina Lameric

Azo vakiana?

Tiako izy

Tiako izy ho eo anilako ;
ilay mihanta sy miangoty.
Izy ilay tokako sy silako.
Ilay tokiako sy mahatoky.

Tiako izy ho ahy irery.
Tsy hitambarako na amin'iza.
Ny voadinay no tena hery.
Ilay fitia tsy mifindra.

Tiako izy ka ho tantanako.
Mba handravaka ny lalako.
Harena sarobidy hananako.
Tsy atakaloko, malalako.

Tiako ho izy no mpanafana ;
raha sendra antsiaka sy hirifiry.
Na an-tsahy na an-tanana ;
Ny fitiavanay lalina faniry.

Tiako izy fa tia ahy.
Tsy adinoiko, tsy manadino.
Eken'ny saiko, fo, fanahy.
Izy manaiky moa izaho mino.

Tiako izy, sanatria raha hankaleo;
Fa feno tsiky lalan-dava.
Rehefa eo anilany eo;
Ny olana mandalo... vetivety dia misava.

D. zay.

Hametraka hevitra

Midira aloha

Mombamomba

Mpanoratra : Randriatsitohaina Lameric

Nampiditra : elmerofficiel2019
Daty : 28/03/2019
Mpamangy : 1451
Mankafy : 2

Tononkalo hafa

Soa ihany
Tsy tamana
KAMBOTY
An-tsary
Fitiavako masiaka
Faka vady
Ny EVA dia EVA foana.