Aingam-panahy (rainianja)
Mbola tsisy niantsa
(Nalaina tao amin'ny vetso.serasera.org)
Mangina ny tany,Izaho lasa vinany.
Inona ary no mahatonga izany?
Vinany tokoa ve no mahatonga ireny?
Ireny aingam-panahy ireny,
Sa eritreritra lasa lavitra
Ka mahita zava-dalina?
Angamba kosa noho ny hafaliana na fijaliana.
Na koa izaho toa manimanina,
Manimanina amin'ny andro alina
Ka ny penina no mikorisa
Mikorisa ihany
Ary mbola mikorisa hatrany
Ka mahavita izao
Taratasy izao.
24 Desambra 2006
--------
Rohy:
Sokajy :
Aingam-panahy