Fanantenana (Jeankely Razafimamonjy)

O!ry olona misaina,
Aza mora kivy loatra .
Fa raha mbola samy velon'aina,
Dia mbola afaka mivoatra.

Ny tsy fanananao anio,
Aza atao maha-kivy fo.
Izao ihany no tadidio,
Mbola ho hitanao ny soa.

N'iza n' iza mitomany
ny amin'izao fiainana izao.
Tsy homena tsiny ihany,
Noho ireo raho-mitatao.

Nefa izao no ataovy an-doha
Fa samy zava-boahary
Samy manana ati-doha
Ka minoa ilay nahary

Fa any andro any volana
Ny tsy fanananao androany
Hanananao ny vahaolana
Miandry anao any ho any.

Koa mahereza mahatanjaha
Ary aza mihanahana
Mitsaká mijoroa ho lehilahy
Sikino hatrany ny fanantenana.
--------