Gasikara (Jeankely Razafimamonjy)

Handrandraiko sy ho lalaiko,
Hotompoiko tsy ho hadinoiko.
Hankatoaviko eram-po,
Madagasikara tsy mba roa.

Diavolan'ny fanahiko,
Manazava izay hitsahiko.
Tanjoko ny hampivoatra;
Gasikara tsara loatra.

Ahy anio sy omaly,
Nampijaly ,nampifaly.
Hantenaiko rahatrizay,
Ilay Madagasikaranay.

Mampatsiahy ireo tantara
Ireo zava-bita tsy voarara
Feno zava-tsoa tokoa,
Ilay Madagasikara soa.

Nosy voadidin-drano,
Vonon-kitantar'angano.
Tany maro voahasa,
Madagasikara miasa.

Iriako ny hanatsara anao,
Arak'izay azo atao.
Ahy ianao mandrakizay,
Ry'lay madagasikaranay.
--------