Hatanorana - Jeankely Razafimamonjy

Azo vakiana?

Hatanorana haingam-pamindra
Ilay nahitana ny tsara indrindra
'Lay lokom-pitia tena voarindra
Izay tena marevaka sady mirindra

Nahenoana ilay feom-prara
Kanto sy meva voahorona tsara
Fitiavana no tena nameno tantara
Mampitandrevaka sy maha-tara

Hatanorana voafehim-potoana
Indro mitady hampiteny ny moana
Loharano misosa sy toa mampitoana
Ny tia sy ny manina no tafahoana

Hatanorana ilay valam-parihy
Nahitana ny ngidy tao anatin'ny fy
'Reo manan'aina ao anaty farihy
Mikalo mihira toa sambatra erý

Hatanorana fanilon'ny lalako
Eo anilan'ilay olo-malalako
Fotona nivoahan'ny aingam-panahiko
Vetsom-borokely manaingo ny sahako

'Lay hatanorana mazána mpanimba
Ireo  lova izay navelam-bazimba,
Ny lalan-kizorana mety ho simba
Ny hatanorana mahavatra manimba.

(jb Razafimamonjy)

Hametraka hevitra

Midira aloha

Mombamomba

Mpanoratra : Jeankely Razafimamonjy

Nampiditra : gasyjean
Daty : 10/02/2005
Mpamangy : 1020
Mankafy : 1

Tononkalo hafa

Rediredy
Tempon'ny fo
Mila ny tia
Babonao
Hianao irery
Poezia malahelo
Iny fitiavana iny
niandry
nofy ratsy
Ho anao