Ny ala (Jeankely Razafimamonjy)

Manan'aina tahaka anao aho
Mihazona ny rivotra ho anao
saingy hitanao fa tsy miteny aho
Dia hararaotinao sy vonoinao
mba miangavy anao re!
Aza dorana ny ala
Izaho koa anie manampy anao
Ny fanaka sy entanao ao an-trano
Dia avy aty amiko ,ho anao
Ao amiko ireo biby tsy mba manan-trano
Mba miangavy anao re !
aza dorana ny ala
Any ny andro sy fotoana
Hampiasanao sy hilanao ahy
Tsy mampaninona ahy raha izany foana
Izay no nahavelona ahy
Mba miangavy anao re!
Aza dorana izahay
Hanenenanao rehefa any aoriana
Ny tsy fitandremana ahy
Ho tany karakaina sy ho kiana
Ny ho anao raha manary ahy
Mba miangavy anao re !
Aza dorana ny ala
--------