Ny fianarana (Jeankely Razafimamonjy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny fianarana rankizy
No sakafo tsara indrindra
Tohan'aina izay tsy izy
Dia ny hoavy voarindra

Mampanan-tena ny aoriana
Ny fianarana izay lofoina
Mandreraka sy mahasondriana
Nefa tsy maintsy tompoina

Indro hoavy ilay maraina
Masoandro miratra ho anao
Raha tena izay no hantenaina
Dia ny fianarana no atao

Izao ianao no miasa loha
Torovana sy rerak'aina
Efa miandry anao ny soa
Rehefa tonga ilay maraina

Iaretana ny fisedrana
Enti-mody lava izao
Hakatokin'ny hatanorana
Hiposaka ny anjaranao

Masoandro mena mibaliaka
Tsy laitran'iza ho vonoina
Ilay fahantrana nanaliaka
Dia ho fongorina sy ho soloina.
--------
Rohy:
Sokajy : fiainana
6151 0
Hametraka hevitra
Midira aloha
Momba ny tononkalo
Mpanoratra : Jeankely Razafimamonjy
Nampiditra : gasyjean
Daty : 15/04/2005 13:38
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2023 - page load 0.0111