poezia (Jeankely Razafimamonjy)

Ianao no mba namako
izay mba hiresahako
Rehefa sendra irery aho
Dia ianao izay mivoaka,
avy amin'ny fahanginana
izay manampy tosika ahy
hamoaka ny ato anatiko.
Dia ireo aingam-panahy
mameno mafy ny foko
dia ny herinao,izay
manosika ny tanako
hanoratra izay tianao
ho ambara,
Ahy sy ianao ny fahanginana
mpanampy antsika ,hiara-miasa
ianao milaza,izaho manoratra
Ianao sy ny fahanginana
no mba namako.
--------