SAINGY (RMLYDIA)

Niezaka ny hitsoaka
Nofehizina mba tsy hivoaka
Niniana nakipy mba tsy hahita
Noterena mafy tsy hitsiriritra

Nokobonina tsy hiseho
Narovana tsy hisy feo
Hoe halevina mandrakizay
Fa nandoro ka tena nahafay

Saingy! Indro fa nipoitra mora
Toa vao mainka tsy voavolavola
Nitsiry indray ka namelana
Niroborobo tsy hay noferana

Mbola tsy maty ilay afo nanazava
Toa nanjelatra teny amin’ny tava
Tsy namela ny fo hangina
Fa nanesika ireo faniriana

Saingy! Mbola irery hatrany
Ilay ray tsy nahatsapa izany
Nandona tapany ka nomena erany
Tsy voasolo fa mbola ao ny toerany

Nanjary nisy fanantenana nitsiry
Io indray ilay fo fa naniry
Saingy hatramin’izao dia nangaina
Eny! Hiezaka hanamboatra saina


Nosoratan'i RMLYDIA : LE 23 SEPTEMBRE 2010
--------