Ny alahelo (RODER)

Ny Alahelo

Ny alahelo, toy ny aloka manaraka,
Mangina izy, nefa mahery paika.
Miditra mangina ao am-po sy ao an-tsaina,
Mitsiky ivelany, nefa mitomany ao anatina.

Toy ny ranonorana mianjera amin’ny hariva,
Manembona, mandalo, ka tsy voavily akory.
Mitondra fahanginana sy taratra fery taloha,
Mamelona fahatsiarovana tsy levona.

Ny alahelo, tsy fahalemena akory izany,
Fa porofon’ny fitiavana sy fahatsiarovana mamy.
Isaky ny mitomany isika, tsarovy indray,
Fa misy zavatra sarobidy no very tany ho any.

Ka aoka tsy hatahorana ny ranomaso midoboka,
Satria ao ambadik’izany no maniry ny fanantenana.
Ny alahelo dia fandalovana, toy ny alina mangina,
Fa hatramin’ny farany, vao mitsiry indray ny maraina.
--------