FATRA TSY SAHALA (ROJOSALOHY)

FATRA TSY SAHALA
Aza hitserana aho raha mba tia anao
Aza hivaivaina ny hadalan'ny foko
Tsy fantatro hoe nahoana ny fitiavako,
No niantsampy ho eo aminao
Fantatro fa tsy maintsy ho ailikao izany
Fantatro fa tsy afaka ny hitia ahy ianao
Toy izay fomba mety hitiavako anao
Tsy laviko fa hadalana tsotry izao ny ahy
Eny, na izaho aza manontany tena indraindray
NAHOANA?
Tsy ny hotiavinao no tanjoko fa ny ho tia anao
Satria fantatro fa tsy hahafeno ny sinim-pitiavako
Raha izay fitia azonao zaraina amiko
Lehibe loatra izany
K'aleoko mamela azy ho banga lalandava
Mba haharetan'ny faniriako ho tia anao
Satria rehefa fantatro fa tsy afaka ny hitia ahy ianao
Dia minia mitia anao aho........

ROOSALOHY
--------