ZARIDAINA (SCOTLANDYARD)

Mbola tsisy niantsa

Hangataka antsa
(Nalaina tao amin'ny vetso.serasera.org)
ZARIDAINA

Ao an-jaridainany ao, misy voninkazo iray
Miavaka amin’ny rehetra, misy hanitra tsy hay,

Ao an-jaridainako ao, misy laingo hafakely,
Fa na dia ny maminy aza, ifandrombahanan’ny tantely,

Ianao ao an-jaridainany, voaaro sy voakolo,
Tsy tiany ho simba na halazo, hatakalo, na hasolo

Izy ao an-jaridainako, manantena voa tsara,
Ka na ny faniriny aza, maka faka ho tantara,

Fa ao an-jaridainantsika, ao no lafatra indrindra,
Fa zaridainam-pitiavana, zaridaina tsara rindra

Ao an-jaridainantsika , hitako ao maniry tsara
Ilay vonikazo tsara indrindra, ilay vonikazo voarara

Any an-jaridainany avy, samia mikolokolo ny azy,
Na izaho na ianao, aoka tsy hivazivazy

Fa ao an-jaridainantsika, ilay antsika roa mitokana
Ao isika no hikolo, izay antsika roa manokana
Ao isika hanonofy, izay voninkazo tian-kitsiry
Ka ndao tondrahana fitia, ilay raozintsika haniry

03-03-06
--------
Rohy:
Sokajy : Aingam-panahy
1518 3
Hevitra mandeha
Malalason ( 24/03/2006 13:30)
ok
scotlandyard ( 28/03/2006 07:02)
ok malalason
bichette ( 28/03/2006 09:29)
tiako be ilay tonokalonao
scotlandyard ( 28/03/2006 09:51)
misaotra bichette
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0105