Dada (Sombiniaina Rakotoarivony)

Dada, niaritra ny mafy ianao
Efa hatramin'ny ela ka hatram'izao
Nikaroka ny soa, nitady ny lafatra
Ho anay avy koa, nikolo sy nananatra

Nanitsy sy niteny anay ianao
Rehefa tsy tsara sy tsy nety ny atao
Mba tsy hivilivily lalana
Nanisy fefy tsy azo hihoarana

Eny, nitia anay tokoa
Tsapako eto izany noho ny zava-tsoa
Natolotrao ho anay
Maromaro fa tsy iray

Tsaronay ireny ry dada malala
Fisaorana no hatolotray tsy an-tsalasala
Ny hirinay sy hatolotray izao
Misaotra ry dada, ho ela velona ianao
--------