TENA MARINA (Kazary2006)

Androany alina
Ilay andro tiako
Izay any am-po lalina
Anio izy no ho toriko
…
Razazavavy
Avia kely moa azafady
Aza dia misaitsaina
Fa mahazoa toerana maka aina
…
Tsy misy inona fa izao
Mifantoa ka henoy ny teniko izao
Ny ao am-po miafina
Anio izy no tsy maintsy mitsikafina
…
Ratovivavy
Mialatsiny aho ka miangavy
Enoy ny teniko fa tsy sangisangy
Fa tena fahamatorana avy ao anaty
…
Tsy misy inona fa izao
Efa hatrin'ny ela fa mbola amin'izao
…
Toa ianao foana no jerena
Miavaka amin'ny maro
Ny fiheverako anao toa harena
Tsy azo na hamidy na hafangaro
…
Aza raisina ho tsy famatorana
Na ny teniko toa vazivazy
Fa anio izay ato am-po ho fotopotorana
Maniry anao aho ry tovovavy
…
Tsy misy inona fa izao
Ny tiako hatongavana
Dia tiako ianao
Amin'ilay tena fitiavana
No hitiavako anao
...
Tena marina ny lazaiko
Ao am-poko lalina
Izay novokarin'ny aiko mban'ny saiko
Dia fitiavana tena marina


FK MAHAVITA : 20/10/2025
_______KAZARY_______


1
--------