Ilay rova (Voromailala)

Mbola tsisy niantsa

Hangataka antsa
(Nalaina tao amin'ny vetso.serasera.org)
Harivarivan'ny ampitson'alahady
Ny teto andrenivohitra tamin'izay
Raha tsy ny volana dia mangadihady
Ilay lanitra miloko rano iray

Kinanjo niova ho mena
Toy ny volan-dririnina
Ka nampanontany tena
fa nan'in fa nan'in

Hay ny Rova no novangian'ny afo
Toa famangiana miendrika fiantsiana
Satria ny fefy no natao digan-tafo
Ka nahazo ny lapan'ny Andriana

Toy ny herikerika lasa tondra-drano
Ny firongatr'ilay fahavalo
Nifampirahaba tamin'ireo trano
Ka niafara tamin' Isalo

Toa zary loko mena sy mavo
No hany tazana ao andranon'anosy
Very ilay taratry ny avo
Nanjavona toa lasa nofinofy

Tsy zakan'ny teny hoe "very"
Ny zava-doza izay nitranga
Satria ny maso no voafery
Ka voatakona toy ny jamba
--------
Rohy:
2617 1
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0102