AVELON'AMBIROA (Zavona Rakoto)
Mbola tsisy niantsa
(Nalaina tao amin'ny vetso.serasera.org)
Eto ampandinihana ny raki-tsarintsika no zary toa tsaroako!miverina ato ampoko fa teto ianao no dila,
tsy akory aho hoe tsy nila,indrinda nankahala
fa...rantsana efa ngoly tsy mila fofom-bala
hamalaka fanidy,angamba izay no didy.
voabanjiko maharitra teo ny sarinao mihazona ny tanako,
lasam-borona aho! Raha teto izao ianao dia efa renin-janako.
saingy moa tantara natamberin-tsary viningitr'ambiroa,
ka sisa ny eritreritro no mitahiry anao f'intsony tsy ny fo!
nivadibadika aho hitady torimaso;fa sitrany hisy anao.
isika milalao no sary mba tinadiko nikipiako fatratra,
renoka aho avy e,nahita anao namiratra nitara-tsiky lafatra,
toy ilay tinadiko.
kinanjo aho nony taitra! tsy ianao no hitako fa hay ilay fofom-badiko natory teto anilako.
Nofy sarisary!
25 Jona 2024 00:03
--------
Rohy:
Sokajy :
Fitiavana
Mpakafy:
ZavonaRakoto
Hevitra mandeha
ikalamako
(
23/11/2024 16:04)
zavona rakoto o, mba maka toky kely aho, andalana farany amin'ny andininy voalohany : hamalaka sa hamolaka fanidy ?
ZavonaRakoto
(
25/11/2024 04:50)
Salama Ikalamako, izay hitanao fa mahatony ny saina sy mampiaina azy tsara araky ny ainga anatinao hanononana azy e,mety! 😊
ikalamako
(
25/11/2024 22:59)
eny ary e. Maka bahana kely indray aloha dia raha vao misy hirika dia ho antsaiko io 😊
ZavonaRakoto
(
26/11/2024 07:39)
Misaotra namako a,
afa-po aloha hatreto!
afa-po aloha hatreto!
