"TAKIO" (Zavona Rakoto)
Mbola tsisy niantsa
(Nalaina tao amin'ny vetso.serasera.org)
Raha misy zavatrao nalaina tsy amin-drariny! takio fa zonao izanysahia koa manontany raha misy tebiteby mamongatra vinany,
Aza avela hisy hanararaotra anao ho hery famolahana!
Izay maneritery ny filaminanao? takio ho fahafahana
Dia aza koa manaiky raha misy namanao voatainam-pijaliana,
Hajoroy fa ra mitovy ny anareo ka tsy azony ambaniana,
Sanatria tsy akory hihidikidi-poana hiady fiainan'olona!
Fa samy gasy hoe ka rariny dia rariny raha hiaraka hitolona.
Aza ianao manaiky raha mbola hitanao fa misy tsindry vozona,
Raha misy ny tsy marina! sahia mitabata,sahia manozongozona
Raha tena tsapanao fa ny lany omaly hefain'izay tadiavina!
'Ndehana ka lazao,tsy zaka intsony izany ka tsy maintsy lavina.
Takio ny Fahafahana.
Fantatrao angamba ny tiako hodradraina sy tiako holazaina?
"Ndehana ka lazao,hoe TENA MISY IANAO"
Zavona Rakoto 20 martsa 2025
--------
--------
Rohy:
Mpakafy:
ZavonaRakoto