DOM-BERINA (Zavona Rakoto (AQUARIUS))

Misy tanimbary dia misy tanimboly,
Misy Zanahary dia misy koa Devoly,
Misy te hitia dia misy te hotiavina,
Misy mankafy dia misy mahatsiravina.
Halako hany izao e!

Vao misy tebiteby,dia misy tabataba,
Vao misy tobitoby dia misy tebatebaka,
Misy tia manary,dia misy tia mitady.
Misy indray mopera kanea manambady.
Aoka moa lehiretsy a!

Vao misy fahantrana dia misy mpanao soa,
i Madagasikara mpamelona sinoa,
Vao misy vodiakoho,dia misy bangaridana.
Tsaratsara bika dia sahy ka miboridana.
Ozatr'izy izany a!

Matsirotsiro laoka dia sahy miteny mafy,
Mamo kely indray dia tsy miteny gasy,
nahay nanjaitra kalo dia mba nanao kabary,
Namokatra finday dia mba namoaka sary.
Manja hoe ny akama!

03 Aogositra 2024
--------