LAKAN-JAHATRA - ZOZORO

Azo vakiana?

LAKAN-JAHATRA

Dia gaga ianao satria lakan-jahatra hono
Tofoka aza moa fa hoe: ho entina manjono
Kanefa tsy mahatanty ny onjan-drano akory
Fa maivana ka hilentika hanjary hampahory

Fafazan'ny alon-drano mantsy ilay lakan-jahatra
Ka tsy ho tody akory amin'ny lalana voalahatra
Fa hizarazara maro eny anivon-drano lalina
Raha niainga vao maraina, mbola eny sasak'alina

Ka  honjohonjonao irery no nifanehatra ny mafy
tsisy olon-kantenaina ka niaritra ny gafy
Gafin'ity onjan-drano miraondraona mahatahotra
Nanapotika ity lakan-jahatra efa reraka sy vahotra

Lakan-jahatra a! potika sy ravarava,rotridrotikin'ny onja
Natsingevangevan-drano ny hany sisa potipotiny
Ka ny maraina no hita teny ambony tora-pasika

Lakan-jahatra a! hazo iray nandrohy azy sy zahatra iray monja
No mba hita teny ho eny, tsy ho antenaina hisy fotony
Ireo no hany sisa nangonina ka atambatra ho hafantsika

Indrisy anefa fa tsy mety atambatra
Ka rava teo ilay lakan-jahatra

Hevitra mandeha

Zozoro (05/08/2011 07:09:06)

? ? SIOKATOKANA

SIOKATOKANA (08/08/2011 05:28:18)

mial tsn @ zozoro fa MPANAZARY no tokony ho mpanoratra e!

Mombamomba

Mpanoratra : ZOZORO

Nampiditra : SIOKATOKANA
Daty : 03/08/2011
Mpamangy : 1133
Mankafy : 1

Tononkalo hafa

ZOKIKO Ô !
LASA ILAY MPAMORON-KIRA
RAHAMPITSO
Raivo mahantra
VELOMA
FISAINANA
FA ANGAHA DIA IZAO IHANY NO ANDRO ?
TSIAHY
MBA VOLANA, HONO, AHO KA VOLANA...!
'NDEHA ARY RY SAKAIZA (veloma ho an'i LEVELO)