Fianarana = Fiafiana (A.N.T.L)

" Fianarana = Fiafiana "

Io fianarana io aloha
No atao voalohan-daharana
Satria voalaza fa mahasoa
Ny fandehanana am-pianarana

Dia mazoto miari-tory
Mamerin-desona isan'andro
Indrindra ilay miditra an-tsekoly
Na maraina na atoandro

Tsy dia ilaina fitafiana
Na kiraro vaovao be
Ka na dia eo ny fiafiana
Ny ahaizana no zava-dehibe

Miafy koa satria
Mba te ho tafita
Mandany ny herim-po
Ho lasa lavitra any ampita

Saingy ilaina fikirizana
Sy fiafiana lalina
Tsy ilaina herin-tsandry
Fa ny saina no mandalina

Dia ny saiko tsy mba reraka
Raha fianarana no resaka
Dia ny saiko tsy mba ketraka
Izay no tarigetrako

mpanoratra : Andriatiana Tsanta Niaina Luc
--------