Lakolosy (ABS)

Rehefa mipaika ny feon-dakolosy
Dia mientana koa ny fitepon’ny foko
Fa ho avy ilay oran’ny mitositosy
Fiarahantsika midera ny Tompo

Feon-dakolosy manaitra ny saina
Mampidobodoboka ny atin’ny tratra
Fa minitra vitsy sisa no isaina
Dia hiara-hihira ny antema sy tsanta

Ny feon-dakolosy ka satriko foana
Ho ny ora rehetra amin’ny fiainantsika
Mba ho lalandava tokoa ny fotoana
Itsahoana Ilay Nampitambatra antsika
--------