AZA MILAZA AKORY... (AORN)

Aza milaza akory
Hoe tia ny tanindrazana
Raha toa ianao mamela
Reo tany Mbola giazan’
Ireo mpanani-bohitra…
Fa tsy izany ihany
Reo seha-pihariana
Feheziny hatrany
Dia indro ianao mangiana

Aza milaza akory
Hoe miady ho an’ny taniny
Kanefa ireo mpanefo
Mandrapaka zay laniny
Ianao manampy trotraka
Mampiady misaritaka
dia azonao ny tombony
fa azonao amim-pitaka
fa ny hafa: sombitsombiny

Aza milaza akory
Hoe gasy saro-piaro
Kanefa tsy mba sahy
Miaraka amy maro
Mitaky ny ara-drariny
Ny hitsiny sy marina
Fa rehefa sendra vola
Dia indro fa mamarina
Mamela ny hafa ho tola

AORN
16 DESAMBRA 2024
--------