FASANA (AORN)

Fasana voarafitra simenitra sy vato
Toera-mitahiry taolam-balo ho vovon-tany
Ao no iafarana rehefa tapitra sy miato
Lay vatana sy nofo nolalaina sesilany

Zovy no tsy setry rehefa mbola velon’aina
Tsy mahatsiaro akory fa mandalo ety ihany
Dia manao zay tiany, mampamelona taraina
Ny manodidina azy, ‘zay heveriny ho ambany

Fa ny fo sy saina, Mbola fasana ihany koa
Raha miotrika ao ny haratsiana manontolo
Mitahiry fotaka sy atsanga maro loha
Raha tsy mahay mamela dia ho fefika mololo

AORN
25 Janoary 2023
--------