VOVOKA (AORN)

Vovoka ianao ka hody vovoka indray
Tsy afaka hanoatra rehefa tonga ny andro iray
Tsy ahita-panafana raha mbola ody faty
Fa ny fahafatesana mangidy tsy ho tanty

Fa raha mbola velona araraoty koa ny andro
tsy misy iray mahasakana ny anjara masoandro
Ny mahay mitia no azo antoka indrindra
Fa handova lanitra ho any am-paradisa

Ny manambony tena no fadio raha eto an-tany
Ny manambany ny hafa, halaviro lavitra any
fa izay vita eto, mbola handalo fitsarana
Ndrao dia hanenenana lay lala-mikodana

Vovoka ianao ka hody vovoka indray
aza manantena ny ho eo mandrakizay
fa ilay any an-koatra no hevero sy banjino
Ka ny fo mitia no mbola tano sy fihino

AORN
03 DESAMBRA 2025
--------