TSY PISO (Bade RaAnRaMa)

TSY PISO Tompoko ô!!!!!

hazavao lalina
f'izaho ho'aho tsy mahazo ,
ianao zany iza marina:
totozy sa voalavo
no izaho no antsoinao piso!?

saaa...

impiry efa nohaniko
ny laokanao masiso!?

zany ho'aho malala a ...

tsy akory aho mila vaniny
fa mba te hahalala
de mb'omeo valiny
mahafa-po tanteraka e !

zaho mantsy hendratrendratra
antsoinao tato ho ato :

PISO... PISO ... PISO

malaza ilay fiantso faaa
amiko iny diso!

ny saka mantsy reitsy
biby fetsifetsy
mpiatsarivelatsihy a!

tsy azo atokisana amin'ny laoka eo an-dovia!

mody mba bonaika
malemilemy paika
fa manafina ny hohony ...

ny malotony?
voatotony
fa ny vody tsy voafafany...

de ny 'meo 'meo ihany
no voambolana mba fantany...

ka aoka akia ry tiako a!!
fiantso tsy miady
ny pisopison-driako!

MALALA ny ahy no tiako oo!
na koa hoe sombiniaiko
fa aza antsointsoina
amin'ny zavatra tsy haiko!!

bade
--------