Tsy nanatena kintana aho (Baraingo Valo)

Tsy nanatena kintana aho na volana baliaka
Tsy niandry taminao harena be tsy lany;
Fa matoa aho nanaiky ny hiarahantsika
Dia noho ny fitiavana no nahatonga izany!

Koa aoka tsy maninona. Aza miahiahy
Na tsy manana ohatrinona atolotra ahy rahavako;
Fa tsy ny vola loatra no mahasambatra ahy
Fa ny fitiavanao mamaly ny fitiavako...

Baraingo Valo
Avrily 2019
--------