Tiana Ô! (Fanaperana)

Tiana ô!

Aza misy hanafenina amiko

Aleo mba ho fantatro hatramin'izay tena miafina indrindra
Na ilay ianao mitsiky ao ambadiky ny ranomaso
Na ilay ianao mody mafy fa mila ho lavon'ny akaso

Aleo mba ho hitako daholo hatramin'ny bitika indrindra
Na ilay ianao miantso vonjy amin'ny feo iva dia iva
Na ilay ianao misento ambon'ny onjam-pijaliana

Fa mba tiako ho hita ,
Ny marina ry Tiako

Tsy tiako hiaram-paly isika nefa ianao mifihin-dranomaso anaty alina mangina
Mirihariha isika ny andro fa ianao tsy nipizin-tory noho ny ady mangatsiaka

Tiana ô!

Mety tsy hahavaha olana aho ,
Fa mba afaky ny hampitony ,
Hamihina mafy raha toa ka mila an'izany
Dia mba mety afaka hampiakatra kely ny môraly

Ny marina , iray isika
Dia tsy tiako ianao hiady irery toy ny teo aloha
Tsy nisy ahy ,
Tsy tiako ianao hiaina ireny fa efa mba eto aho dia azonao hiankinana

Fanaperana
--------