'Fa tiako!' (Fenotsoa)
Pas encore lu
(Nalaina tao amin'ny vetso.serasera.org)
'Fa tiako!'Tsy foiko hihataka amiko
n'aiza misy ahy ry mamiko
na olon-kafa no hiantso Malala
fa tiako ianao,tiako, ahy irery
lavitry ny mason'ny tia jerijery
f'izay tratrako? Hijaly, ho ory
tsy hanompy maso anao akory!
'Zay manandrana mikitika anao
dia handraingiraingy tsotr'izao
F'izaho mantsy rehefa tia, mitia
...tsy mila mpisompatra satria:
ny amiko rehetra efa lasanao
ny tontoloko:moa tsy efa babonao?
Ho maro ireo sedra holalovana
sy ireo mpisakana hisalovana
saingy tsy ahoako akory izany
f'horeseko moramora hatrany!
''Fa tiako ianao tsy hitambarana amin'ny hafa
satria ianao am-poko tsy ho voafafa!''
08/05/06
--------
Lien: