FA NAHOANA?? (ihafatra)
Pas encore lu
(Nalaina tao amin'ny vetso.serasera.org)
Voninkazo vao namoa,nantenaina hampifaly
firavoan'izany fo
nosaromana sahady!!
nokasaina mba hamelana,
mba nirina ho tongasoa
saingy indrisy nosomparana,
ka nihinjitra ny tanany
namela ilay malalany!
fa nahoana no mimaona?
anaty lohataona?
fa nahoana ny tany,
no madisa feno ratra?
rako-tsento sy tomany!
mahavaky izany tratra!!
fa nahoana,izany saiko
no manetsika tsiahy?
dia ilay havantina,norombosin-drangolahy?
fa nahoana,fa nahoana
no mivetso izany saona?
fa nahoana re indrisy,
ireo zava-misy??
--------
Lien:
Catégorie :
Fahafatesana - Alahelo
