FEFY (Ilo NANAHARY )

FEFY...
‎
‎An-taona maromaro,no niarahantsika roa.
‎Nivoady ho doria,sy ho fitia lamban'akoho ka...
‎Faty no hisarahana!
‎Voadingan-tsika roa,ny tonon-taona nifandimby
‎Niara-nisafidy,sy niaraka nilofo
‎Dia resintsika teny koa ny rivotra mifofo...
‎Nanambana handrava,
‎Handrava moramora ilay fiarahantsika
‎Handrava ilay masoandro, 'zay efa nibaliaka...
‎
‎Saingy...
‎Rava teny ihany,'lay andram-panombohana
‎Ny saranga tsy nitovy,no sakana voalohany...namita ny tantara
‎Ny antsika koa tsy anjara...
‎Kanefa nanampikasana,hanohy ny efa vita
‎Dia ravarava teny,ny fiarahantsika
‎
‎Na aza efa niezaka nanangana aro-fanina
‎Niezaka nanarina,ny rava rehetra rehetra
‎Saingy ny saranga,no zary toa nametra ny anjara sy ny lahatra
‎dia rakotra haizim-pito,'lay hazavana 'zay tomaratra
‎
‎Nidify ilay masoandro...
‎Dia maizina koa ny andro
‎
‎Ny saranga tsy mitovy no ady manoloana
‎Handresy sa...ahoana?
‎
‎NANAHARY ilo
‎
‎23/09/22  17:25min hariva
‎
--------