Dia aoka hazava (Imbitika Rambala)

DIA AOKA HAZAVA

Dia aoka hazava sy ampahafantarina
Fa ity Tany ity matoa tsy tafarina
Dia nisy ary mbola misy ny te hamarina
Satria nopoizinin-janany Izy no marina

Matoa isika mandry fotsy ambony sompotra
Dia misy mpamosavy malemy matevin-koditra
Efa maty eritreritra sy tia tototototra
Dia ny vahiny no lazaina fa tena romotra

Koa hiantsoako tody rangahy ny ra ikambanana
Fa masina ity Tany ity fa iaraha-manana
Raha ny hasin'ny Razana no handrakandramana
Dia aoka halemy ny tanany havanana

Imbitika Rambala
--------