Tsenao aho (Imbitika Rambala)

Tsy himalo aho na dia lefaka dia lefaka
Fa tsy ravoravo atentina ny fitiavako anao
Olombelona kanefa vakavaka raha miresaka
Vitsika mitaom-balala e miangavy mba tsenao

Olombelona isika na izaho na ianao
Ny fitia re ry anona tsy atao am-boro-damba
Fa mety ho very hasina - tsy hatao kilalao
Ka ny toky izay nomeko tsy toky rambaramba

Aoka anefa tsy ho diso hanantena paradisa
Toa jaka ihany akia ny fitia izay atolotro
Hisy mantsy ny fotoana izay ho marisarisa
Na ny "ny tiako ianao"aza mety tsy ho voatonoko

Tsy ho manga hatrany koa akia ny lanitsika
Eny an-tsefa-dalana eny mety hisy hasorenana
Montsom-bady re ireny filan-toky fa tsy ditra
Fa ny fitia nomeko anao fitia ts'isy hanenenana

Koa raiso aho raha solafaka
Fa hotsenaiko ianao raha tsy afaka

Imbitika RAMBALA - 15/01/18
--------