Serasera (Mampikanto)
(Nalaina tao amin'ny vetso.serasera.org)
SERASERASoa fa nisy serasera, ahafahana mampita
Ny fiainana, ny faniriana, eny hatramin’ny tsy hita
Io no hany mahalala izay fihetseham-poko
Na ny tsiky n any faly na koa ny toloko
Soa fa nisy serasera nahafahako nahatsapa
Fa ny fitia mora maty raha tsy mbola lalim-paka
Fiezahana nitia, nakafy irony hafatra
Hay moa eritreritra ihany fa tsy misy ny tonga lafatra
Soa fa nisy serasera, hitafako aminao
Ahafahako mandray izay mba ho kinasanao
Ao no andrandraiko, ilay tsikitsiky tambitamby
Nefa toa noraisinao fitia mitady tamby!
Soa fa nisy serasera, ahitana sedram-piainana
Ka ny hevitry ny hafa mety hampiova foto-pisainana
Ao koa no mety hanovana ny famindra
Ka ny tontolo izay jinery no ataoko tsara rindra
Soa fa nisy serasera
Tsy ahatsiarovana ny lera!
Mampikanto
26/09/03 à 11h35
--------
Lien:
Fans:
hery
Commentaires
hery
(
30/10/2003 21:44)
Manja lé tononkalo. Tena azo avoaka gazety mihitsy. Mitantara ny expériences hita eto amin'ny serasera.
Misaotra é
Misaotra é
mampikanto
(
03/11/2003 09:23)
Misaotra indrindra i Hery a! Aoka marina fa tena menatra b za a! Izay fa d ao aoriana angamba isika hanao vinavina ny hamoaka boky ny asa soratry ny namana sa ahoana hoy ianao?
Mankasitraka e!
Kanto
Mankasitraka e!
Kanto