Embona (Nikalo Kanto)

Nanjary nangina sy tokan'irery
Ny aminy sy ny tontolo rehetra
Nanjonitra maloka tsisy mpijery
Ny fiainany sarotra lavim-pitsetra...

Ho zary maloka setrin'ny fiaina
Raha tsy eo ilay finidin'ny tokana an-tany
Nanjary toa nofy tsy takan'ny saina
Fa tsiky ao anatin'ny maso tomany

Dia sarotra hadino ny lasa sy tsiaro
Ny fetram-pitia, tsy ho voafehy avokoa
Ka sorona anaty mifangaroaro
Mangidy ,mafaitra tsy telin'ny FO
--------