MAMPIONON-TENA (Np Augustin)

Ry masoko mahatazana rehefa zava-misy;
Iangaviako ianao, mba mikipià mihitsy!
Aza mijerijery, aza midiridiry:
Ndrao tsy ho zakanao ny hahita ny olon-tiany.


Dia ô ry sofiko mandre!
Maheno rehefa feo,
Aza hainoana akory ny resak'izy ireo.
Ndrao tsy ho zakanao ka ho loza avy eo!


Ary ianao ry foko izay mangina,
Nosoparam-pahoriana,
Etsy miarenà, aza kivy izany.
Mangina ô ry foko! Aza mitomany!


Dia ô ry saiko mahonena;
Avià mampionon-tena!

18/11/17
Tamin'ny 9 ora sy sasany maraina
--------