Miandry anao ny taninao (Jeankely Razafimamonjy)

Ry tanora manan-tsaina,
Ianao no mbola hantenaina,
miha-mandroso ny fotoana,
Lasa ihany koa ny taona,
Miandry anao ny taninao.

Milanao Gasikara ,
Hanampy sy hikarakara,
Hanandratra ny voninahiny,
Fandrosoana no katsahiny,
Miandry anao ny taninao.

Ampio ireo mpitondra anao
Hahantontosa izay atao,
Ny toe-tsain'ny tsirairay,
Anisan'ny dingana iray,
Miandry anao ny taninao.

Ny fototra sy fanalahidy ,
Dia ny fitandremana ny didy,
Fankatoavana ireo lalána,
Sy mampitombo fahalalána ,
Miandry anao ny taninao.

Ny kolikoly sy ny tsolotra,
Dia samy zava-maha-sosotra,
Ampy kosa angamba izay ,
'Reo tsy nety hatrizay,
Miandry anao ny taninao.

gasyjean
--------