Ny hafany (Jeankely Razafimamonjy)

Ry mpamaky ahy;
Aza mba misalasala,
Fa matoa ireo nanoratra ahy
Hanamboarana ny saina.

Tsy fireharehana sanatria!
No asehon'ireo mpanoratra,
Fa mamboraka fitia
Ireo izay vita atao ohatra.

Tsy natao hifaninana,
Raha maneho ny ao am-po
Tsy hiderana fananana,
fa hizarana zava-tsoa.

Ry mpamaky malala;
Anao ny asa izay natao
Koa aza mba misalasala
Izay hevitrao lazao.
--------