Roso (Jeankely Razafimamonjy)
Pas encore lu
(Nalaina tao amin'ny vetso.serasera.org)
Inona ny hoe mandroso ?toa tsy fantatrao akory
Mba hahafahana miroso
Miasá miareta tory
Ny fandrosona dia asa
Tontosain'ny tsirairay
Hanoherana ny lasa
Nampihetry hatrizay
Ny mandroso dia adidy
Handrandraina sy lalaina
Ho solom-by fanalahidy
Dia ny vatana aman-tsaina
Ny fandrosoana dia tanjona
Handinganana ny lalana
Raha ny hafa no mahatalanjona
Ny hakamoana atao mahalana
Ny mandroso ho amin'ny tsara
No mendrika sy lavorary
Hoan'ny zanaka amam-para
Endrika mandrakitra an-tsary
Ny fandrosoana ry tanora
No katsaho sy hifantohy
Dieny mbola misy ny ora
Ny dianao no harosoy.
--------
Lien:
Catégorie :
fiainana
Fans:
gasyjean