TSAROANY FOANA IANAO (RN.alpha)

TSAROANA FOANA IANAO.

Na faly izy na hory
N'inon'inona atao,
Na mifoa io na matory
Dia tsaroany foana ianao.

Na aiza n'aiza aleha,
Dia tsy taitra randram-bao,
Fa ny hany teniny dia hoe:
Mbola tsaroany foana ianao.

Ny hirahira sy ny kalo,
Sarisary izay fanao
Dia mbola hita tsy atakalo
Sy tsaroany foana ianao.

Ny tarakevitra ijoroany,
Sy ny kanto anatiny ao,
maneho fa mbola ao am-pony
Sy tsaroany foana ianao.

Efa voady mantsy ny azy
Dina efa natao
Na nodikaina tsy ahavoasazy,
Dia tsaroany foana ianao.

RN ALPHA
--------