Mijoroa ianao (RODER)

Mijoroa ianao

Mijoroa ianao,
Na dia mandrahona aza ny rahona,
Fa ao ambadiky ny haizina,
Mbola misy masoandro mitraka.

Aza kivy rehefa mikitroka ny rivotra,
Fa ny hery ao anatinao
Dia toy ny hazo mafy fototra,
Tsy hiongana amin’ny tafio-drivotra.

Mijoroa ianao,
Tsy ho anao irery ihany,
Fa ho an’ny nofy mbola miandry,
Sy ny taranaka mandimby.

Aza matahotra ny lalana lava,
Ny dianao, kely na lehibe,
Dia soratra tsy ho voafafa
Ao amin’ny tantaran’ny fo.

Mijoroa ianao,
Fa ny fonao sy ny fanahinao
Dia manana elatra,
Vonona handresy ny lanitra.

?R R Z RODER Official
--------