Ampidiro aloha ny tenimiafina
Te_handeha aho fa tsy afaka (RODER)
Pas encore lu
(Nalaina tao amin'ny vetso.serasera.org)
Te-handeha aho fa tsy afaka eNy lanitra manga no manintona ahy e
Nefa ny tany mavesatra mbola mihazona
Tsy mahazo aina fa ny foko no mitomany
Te-handeha aho fa ny rojo no mamatotra
Ny alahelo toa rivotra tsy mitsahatra
Ny diako mikatso tsy mahita lalana
Te-hivoaka aho fa mijanona anaty aloka
Ny rivotra mangina no miteny ho ahy
Mitondra ny feon’ny fahafahana any ho any
Fa ny tongotro mifikitra amin’ny tany
Ny nofy fotsiny no lasa eny ambony rahona
Te-handeha aho fa ny rojo no mamatotra
Ny alahelo toa rivotra tsy mitsahatra
Ny diako mikatso tsy mahita lalana
Te-hivoaka aho fa mijanona anaty aloka
Ny fo maniry fa ny saina no misalasala
Ny foko mitroatra nefa voasakana
Te-hanidina aho ho any lavitra any
Fa ny hadisoana mitazona ahy eto ihany
Te-handeha aho fa ny rojo no mamatotra
Ny alahelo toa rivotra tsy mitsahatra
Ny diako mikatso tsy mahita lalana
Te-hivoaka aho fa mijanona anaty aloka
--------
Lien: