“Mba mamy” (Romaric)
Pas encore lu
(Nalaina tao amin'ny vetso.serasera.org)
Mba mamy akia “ malala”‘Lay fitia adaladala
Nifanolorantsika an!
Hany ka tsy nety nangatsiaka.
Fa vao ny masontsika monja
Noinjany mifanena ;
Dia he mivoaramenan’
Ny fitia mihoatra tany am-po
Ny volon’endrintsika roa.
Mandroatra mila tsy ho tana , mantsy
Fa mafana dia mafana
‘Lay fitiavana ao anaty.
Hany ka tsy nahatanty
Ny heriny ny fo.
Ka soa fa tafakambana
Haintsika ny nanangana azy ho lapa soa
Hiriharihavantsika roa.
Fa mba mamy akia “ malala”
‘Lay fitia mangarahara
Nifanolorantsika an!
Romaric ( 25 – 03 – 08 )
--------
Lien: