TIAKO IANAO (SCOTLANDYARD)

Tiako ianao

Tiako ianao , Tiako ianao, tena Tiako, tena Tiako
ny hiara-dalana aminao , mandrakizay no faniriako

ny hifampizara fifaliana , hasambarana etsetra
hifanambitamby, hifanohana, raha toa ny iray ka manjoretra

nefa . . .

ny lalana izorantsika, lalan-droa samihafa
ianao manana ny fiainanao, izaho manana izay kinasa

ianao manana ilay rambo kely, sy ilay mpiambina masiaka
izaho te hanana fiainana, milamina ts'isy tomika

eny

na dia niezaka aho, handresy lahatra anao
hoe vonona anie ny foko , hamoy ny rehetra noho ianao

na dia tena matotra , ny foko raha nitia anao,
hoe ny antsika tsy mba sangy, na ala-voly na lalao

saingy

dia tso-drano ts'isy nenina, no natolotrao ahy,
ny alahelonao nafenina, mba tsy handratra ny fanahy

dia nampiomana ianao, hoe aza taitra na koa gaga
raha hisy fihetsika vaovao, na teny hafa ho voalaza

dia

tsy hitako izay ambara, tsy hitako izay havaly,
sadaikatra ny ao anatiko, malahelo aho nefa faly,

satria izany rehetra izany, dia mbola manambara,
fa ny fitiavako sy ianao , dia tsy angano na tantara

ka

ny hafatra izay tiako ambara sy ny teny izay lazaiko, ,
Tiako ianao, Tiako foana, ka izay mitranga eo hozakaiko

efa niomana aho ny hamoy , ny rehetra noho ianao,
ka raha ho rava ny fiainako, ekeko satria Tiako ianao
--------